Biache enta o Semontano de Balbastro

Biachar dentro de un biache. Ixa ye a premisa alazetal cuan uno marcha de casa suya. Biachar no ye nomás mober-se. Cal que a mente prexine mundos nuebos y difrens. Dende o Pirineo enta o Maestrazgo o pais nuestro fa un aporte gran ta o patrimonio natural y cultural. Andar por os camins d’o río Bero, chitando guelladas ta o pasado más pasado. Ta una chen que no yeran aragoneses, pero que yeran aragoneses. Que forman parti d’ixo que mos ha feito como somos. Pintan en as espelungas. Fan recreyazion d’una tierra que pocos guellos han bista. Ando por o canto d’o rio. Beigo a os franzeses cayendo-ie. Puyando y baixando por una tierra que no lis troba a faltar. Una tierra que bebe d’os suyos diners, y tamién d’os diners d’o bino. Bi ha ilesias colonials, colexiatas meyebals, pinturas aparexidas d’a nuei d’os tiempos. Sin querer cuasi tenemos deban d’as zellas ixo que dizen arte en a naturaleza. 20 piedras. 20 monolitos. 20 sinnos de que o mundo adebanta, y emplega os esmos d’os ombres ta creyar-se a si mesmo. Ta continar esistindo y luitando por estar ixo que siempre ha quiesto estar.